العتاب اشويّ ... يا سيّـد الشـوق
مبطي .. وانـا ودي تعانـق عيونـي !!
وخل الوله ينساب .. من غيمتـه فـوق
ولا تجذب ظنـون المفـارق ظنونـي !!
مـن ضيقـة ايـام الزمـن ودي آروق
وودي أفارق مع حضـورك شجونـي !!
يا كم في صدري من جـروح وحـروق
ويا كم مـا يدمـي غيابـك طعونـي !!
القلب يغفـى مـن محيـاك ويفـوق
يا أصدق سنين العمـر وأجمـل فنونـي!!
مسكره من غبت عـن كـل مخلـوق
ويـا كثـر نـاس بفعلتـي عاتبـونـي!!
لو تفتحـه تلقـى بـه العهـد موثـوق
وأنـا أنـا فـي عهـد مـن عاهدونـي!!
ومن كثر ما حيلي من البعد مرهـوق
أجـر طــاروق الـفـراق بلحـونـي!!
البارحـه مـن يـد فرقـاك مخـنـوق
وأشيـل مـا لا طقـت فـوق المتونـي!!
واليوم عقب الوصل يـا منبـع الـذوق
عن فرحتي ..!! تنبيك ضحكـة سنونـي!!
تقول لي مشتاق .. والقلب مسروق ..
واني احـط حـدود دونـك ودونـي !!
لو كانت اشواقي لها افـواه وحلـوق
نادت على اسمك يا هواي وجنونـي !!
